ABŞ Maliyyə Nazirliyi Bosniya serblərinin lideri Prezident Milorad Dodikə sanksiya tətbiq edib.

Axar.az xəbər verir ki, sanksiyalara əsas səbəb Dodikin 1995-ci ildə Bosniya müharibəsinin sonunda imzalanan Deyton müqaviləsinin reallaşdırılmasına daim maneə yaratması olub. Qərara əsasən, ABŞ Bosniya və Hersoqovinanın tərkibində yer alan Serb Respublikası prezidentinin istənilən aktivlərinə müdaxilə edə bilər.

Qeyd edək ki, Dodik bir qədər əvvəl Serb Respublikasının müstəqilliyi ilə bağlı referendum keçiriləcəyini bildirib.

Dodik həmçinin Qərbə qarşı xüsusi antipatiyası ilə seçilir. O, Bosniyanın Rusiya ilə yenidən əlaqələrini normallaşdırmasını istəyən şəxslərdəndir.