Sosial şəbəkələrdə ABŞ-ın Arizona ştatında yer qabığında nəhəng çatın əks olunduğu video yayılıb.

Axar.az xəbər verir ki, ABŞ Geoloji Xidmətinin əməkdaşları təbii anomaliyanı dronun köməkliyi ilə lentə alıb.

Verilən məlumata görə, qırılma Sonora səhrasında, Tator Hillz rayonu ərazisində yerləşir. Onun uzunluğu 3 kilometrdən çoxdur, eni isə bəzi yerlərdə beş metrə çatır.

Alimlərin sözlərinə görə, çat 2013-ci ildə meydana gəlib, lakin onun fəal artımı 2014-cü ilin yayında yağan güclü yağışlardan sonra başlayıb.

Geoloji xidmət çatın yaxınlığında yaşayan və çalışan fermerlərə təhlükə barədə xəbərdarlıq edib.