İranın bazar günü keçirdiyi raket sınağı uğursuz olub.

Axar.az xəbər verir ki, bunu ABŞ Müdafiə Nazirliyinin nümayəndəsi Anadolu agentliyinə açıqlamasında deyib:

“İran bazar günü orta mənzilli ballistik raketin sınağını keçirib. Sınağın yeri barədə danışmayacağam, ancaq raket atıldıqdan sonra atmosferə daxil olmamış məhv edildiyindən, sınağın uğursuz olduğunu deyə bilərəm”.

Qeyd edək ki, ABŞ İranın bu addımına görə BMT Təhlükəsizlik Şurasının təcili toplantısını çağırıb.

ABŞ mediasında yer alan xəbərlərə görə, sınaq paytaxt Tehrandan 180 kilometr uzqlıqda yerləşən Semnan bölgəsində baş tutub. “Horamşəhr” adlı orta mənzilli ballistik raket 965 kilometr məsafə qət edib.