Ukrayna Prezidenti Pyotr Poroşenko hərbi kabinetin təcili toplanması haqqında əmr verib.

Axar.az xəbər verir ki, bu barədə informasiyanı “İnterfaks Ukrayna” agentliyi özünün etibarlı mənbələrinə istinadən yayıb. Mənbə hərbi kabinetin Donbasdakı vəziyyətlə əlaqədar toplandığını bildirib.

Qeyd edək ki, son iki gün ərzində Donbasda vəziyyət gərginləşib. Ukrayna ötən gün rəsmi olaraq rusiyayönlü separatçıların itkilərini açıqlayıb. Ukrayna ordusunun məlumatına görə, savaşda 100-dən çox separatçı öldürülüb ki, bunlardan 60-a qədəri rus əsgəridir. Onların meyiti Donetskin Kalinin rayon morqundadır.

Donbas separatçıları isə 80 ukraynalı hərbçinin öldüyünü bildirib.