Dünyanın ən böyük özəl yaxtası Cəbəllütariq boğazında saxlanıb.

Axar.az xəbər verir ki, Almaniyada tərsanələrdən biri həmin yaxtanı yazın sonunda rus milyarder Andrey Melniçenkoya satmalı idi. Fevralın əvvəlində yaxta açıq dənizdə yoxlanılması üçün müvəqqəti olaraq milyarderə verilib.

Lakin tərsanənin verdiyi məlumatda Melniçenkonun yaxtaya görə 15.3 milyon avronu ödəmədiyi bildirilib.

Məsələ ilə bağlı açıqlama verən rus milyarderin nümayəndəsi qeyd edib ki, ödəniş razılaşmaya əsasən həyata keçirilib:

“Problemi bu şəkildə həll etmək böyük nüfuz sahibi olan şirkətə yaraşmadı. Yaxta sahibi danışıqların sonunda ödənilməsi üçün pulu eksroy-hesaba köçürüb. İş artıq məhkəmədədir və vəkillərimiz bununla məşğuldur”.