Bölgədəki böhranlar səbəbindən ölkəsinə qaçqın olaraq sığınan insanları yenidən digər ölkələrdə savaşa cəlb etməkdən çəkinməyən dövlətin başqalarını nədəsə ittiham etməsini anlamaq çox çətindir.

Axar.az xəbər verir ki, bu sözləri Türkiyə Xarici İşlər Nazirliyinin sözçüsü Hüseyn Müftüoğlu iranlı həmkarı Bəhram Qasıminin tənqidi fikirlərinə cavabında deyib.

Türkiyə XİN sözçüsü İranı daha konstruktiv addımlar atmağa və regionla bağlı siyasətinə yenidən baxmağa dəvət edib.

Qeyd edək ki, Qasımi Türkiyə XİN rəhbəri Mövlud Çavuşoğlunun “İran İraqı və Suriyanın şiələşdirir” fikrinə sərt münasibət göstərərək bu ölkənin terrorçulara hər cür dəstək verdiyini iddia edib.