"Qabriel Qarsia Markes hər zaman Yaxın Şərq haqqında fikirləşir və İsraillə Fələstin xalqının barışması üçün dua edirdi".

"Axar.az" xəbər verir ki, bu sözlər İsrail Prezidenti Şimon Peresin məşhur yazıçı Markesin ölümü ilə bağlı etdiyi xüsusi açıqlamada yer alıb.

O, Markesin İsraili bu torpaqlarda sülh yaranacağı zamanı ziyarət etmək niyyətində olduğunu bildirib:

"Mən onunla görüşmək şərəfinə Kolumbiyada nail oldum. O, İsraillə Fələstin arasındakı sülh proseslərinə böyük maraq göstərirdi. Markes mənə deyirdi ki, sizin torpaqlar bölünmüş qaldığı müddət ərzində mənim də qəlbim parçalanacaq. Mən hər gün dua edirəm ki, sizin torpaqlarda sülh bərqərar olsun. O, İsraili bu torpaqlarda sülh bərqərar olduğu zaman ziyarət etmək istəyirdi. Təəssüf ki, bu, Markesə qismət olmadı".