Rusiya prezidenti Vladimir Putin müstəqil Ukraynanı məhv etmək istəyir.

"Axar.az" xəbər verir ki, bunu Ukrayna prezidentinin səlahiyyətlərini icra edən Aleksandr Turçinov "Ukraina" telekanalına verdiyi müsahibəsində deyib.

Onun sözlərinə görə, Putin Ukraynadan qorxur, çünki Ukrayna postsovet ölkələrinin əksəriyyəti üçün nümunə ola bilər: "Bizim insanlar hakimiyyəti dəyişib onu büdcə oğrularından təmizləməyi bacardılar. Bu da Putini çox qorxudur"

Turçinov bildirib ki, Putinin məqsədi təkcə Ukraynanı işğal etmək yox, həm də bütün ölkədə sabitliyi pozmaqdır: "Ölkənin şərqində, xüsusilə Donetskdə sabitliyi pozmaq bütün Ukraynaya zərbə vurmaq deməkdir. Putin rejiminin əsl istəyi bütün Ukraynanı məhv etməkdir".