ABŞ Prezidenti Donald Tramp miqrantların ölkəyə girişini tənzimləyən yeni fərmanı imzalayıb.

Axar.az xəbər verir ki, yeni fərmanda İraqın adı siyahıdan çıxarılıb.

Ağ Ev rəhbərliyinin verdiyi bəyanatda bildirilir ki, daha öncə 90 gün tətbiq edilən qadağa qüvvədə qalıb.

Qadağanın İran, Liviya, Suriya, Yəmən, Somali və Sudan vətəndaşlarını əhatə edəcəyi bildirilib.

Yeni fərman həmin ölkənin vətəndaşı olmasına baxmayaraq, ABŞ-da yaşamaq və işləmək icazəsi verən yaşıl kart sahibi olanlara təsir etməyəcək.

Qeyd edək ki, Trampın İraq vətəndaşlarını qadağa siyahısından çıxaracağı barədə məlumat 1 mart tarixində yayılmışdı.