Meksikanın Verakruz əyalətinin Yanqa bölgəsində Riçardo Monlui adlı jurnalist naməlum şəxslər tərəfindən qətlə yetirilib.

Axar.az xəbər verir ki, bu barədə ölkənin Mətbuatın Mühafizəsi Təşkilatının rəhbəri Ana Laure Perez məlumat verib.

Onun sözlərinə görə, jurnalist restorandan həyat yoldaşı ilə birgə çıxan zaman atəş açılaraq öldürülüb. Olay zamanı həyat yoldaşının xəsarət almadığı bildirilib. Naməlum şəxslərin yaxalanması istiqamətində axtarış aparılır.

Kordoba Mətbuat Birliyinin sədri olan Monluis, eyni zamanda, “Analisis Politiko” “El Sol de Cordoba” və “Diario de Xalapa” kimi qəzetlərdə köşə yazıları ilə çıxış edirdi.

Xatırladaq ki, narkotik ticarətinin geniş vüsət aldığı Verakruzda son 6 ay ərzində 11 jurnalist qətlə yetirilib.