Ana səhifə Planet |
Bu gün Böyük Britaniyanın Baş naziri Tereza Mey ölkəsinin Avropa Birliyindən çıxması ilə bağlı bu qurumla danışıqların ağır olacağını bildirib.
APA-nın məlumatına görə, Avropa Birliyi liderləri dünən Böyük Britaniya ilə Breksit üzrə danışıqların vahid strategiya əsasında və sərt aparılmasını dəstəkləyiblər.
Eyni zamanda britaniyalılara AB bazarına çıxışla bağlı yeni münasibətlərin tezliklə qurulacağına dair illüziyalara qapılmamaq tövsiyə edilib. T.Mey isə deyib ki, bütün bunlar Böyük Britaniya və Avropa Birliyi arasında danışıqların sərt keçəcəyini göstərir. Eyni zamanda Böyük Britaniyanın baş naziri Brüsselin təklifləri xoşuna gəlməyəcəyi halda danışıqları razılaşma əldə olunmadan dayandıracağını da vurğulayıb.
Breksit üzrə danışıqların iyunun 8-dən tez başlayacağı gözlənilmir. İyunun 8-də Böyük Britaniyada növbədənkənar parlament seçkiləri keçiriləcək. Avropa Komissiyasının planına əsasən, Böyük Britaniya Breksit üzrə danışıqların başa çatmasından sonra 2019-cu ilin martında Avropa Birliyini tərk etməlidir.
Tarix
2017.04.30 / 18:14
|
Müəllif
Axar.az
|