Ana səhifə Planet |
10:34
Londonda törədilən teraktlarda ölənlərin sayın 7 nəfərə çatıb.
Axar.az xəbər verir ki, bu barədə Böyük Britaniya Səhiyyə Nazirliyi açıqlama yayıb. Açıqlamada bildirilib ki, müxtəlif xəsarətlərlə Londonun altı fərqli xəstəxanasına yerləşdirilən 48-dən çox yaralıdan artıq yeddisi dünyasını dəyişib.
Xatırladaq ki, ötən gecə Londonda ardıcıl teraktlar baş verib. "Röyter"in məlumatıba görə, “London-Bric” körpüsündə sürücü mikroavtobusu piyadaların üstünə sürüb, Baro rayonunda isə bıçaqlı şəxs bazara daxil olaraq insanlara xəsarətlər yetirib.
Voksholl rayonu ərazisində də naməlum silahlı şəxs insanlara hücum edib.
London polisinin rəhbəri Kressida Dikin yaydığı məlumata görə, Londonun mərkəzindəki hücum yerli vaxtla 20.00-da baş verib. Saatda 80 kilometr sürətlə gedən ağ rəngli mikroavtobus insanların üstünə sürülüb.
Verilən məlumata görə, teraktı törədən üç terrorçu 8 dəqiqə ərzində hadisə yerində qətlə yetirilib.
***
London Təhlükəsizlik Müdirliyi terakt haqda məlumat yayıb.
Bildirilir ki, hadisədən sonra başlanan istintaq çərçivəsində 12 şübhəli nəzarətə götürülüb.
Xatırladaq ki, bu, Böyük Britaniyada törədilən növbəti teraktdır. Bundan öncə Mançesterdə Ariana Qrandenin konserti zamanı terrorçu-kamikadze 22 nəfəri qətlə yetirmişdi.
Tarix
2017.06.04 / 16:50
|
Müəllif
Turanə Məmmədli
|