11:44

Dünən UEFA Çempionlar Liqasının final oyununun seyri zamanı Turinin San-Karlo meydanında azarkeşlər arasında sıxlıq yaranıb.

Axar.az xəbər verir ki, İtaliya polisi sıxlıq nəticəsində xəsarət alanların sayının 1000-ə çatdığını bildirib.

Məlumata görə, dünən Kardifdə keçirilən “Yuventus” – “Real” oyununu izləmək üçün Turin şəhərində azarkeşlər üçün fan-zona yaradılıb və meydana qoyulan nəhəng ekranda 20 min insan oyunu izləyib.

***

Turində kütləvi basabasda xəsarət alanların sayı 1500 nəfəri ötüb.

"1527 azarkeşə tibbi yardım göstərmək lazım gəlib. Həkimlər üç nəfərin, o cümlədən bir uşağın vəziyyətini daha təhlükəli qiymətləndirirlər", – şəhər hakimiyyətindən qeyd olunub.

“Real”ın 3-cü qolundan sonra kütlə arasında insanları panikaya düşməsinə səbəb olan səs eşidilib. Məhz bundan sonra sıxlıq başlayıb.