Türkiyənin İstanbul şəhərində qanlı mafiya hesablaşmasının bəzi detalları məlum olub.

Axar.az Cəbhə.info-ya istinadən xəbər verir ki, hadisə dünən axşam Menderes küçəsində baş verib.

Qruplararası silahlı münaqişədə 7 nəfər yaralanıb, 1 nəfər ölüb. Hadisədən sonra 15 nəfər saxlanılıb. İlkin məlumatlarda mafiyanın qanlı hesablaşmasında Azərbaycandan və keçmiş SSRİ-dən olan “kriminal general”ların iştirakı müzakirə edilib. Lakin indi bunun əksi olan məlumatlar yayılıb.

“Kalaşnikov” avtomatlarından istifadə edilən insidentin Sarallar qrupunun üzvləri tərəfindən törədildiyi bildirilir. Bu qrup Sedat Şahin qrupu ilə birlikdə hərəkət etdiyi önə sürülən Şirinlər qrupunun üzvlərinə hücum edib. Saxlanan şəxslərdən avtomatla yanaşı tapançalar da tapılıb.