İran Məkkədəki terakt cəhdini qınayır.

Axar.az xəbər verir ki, bu sözləri İranın Xarici İşlər Nazirliyinin rəsmi nümayəndəsi Bəhram Qasımi deyib.

“Məkkədə baş verən hadisə bir daha göstərdi ki, hədəfi bütün dünya, region, xüsusən müsəlman ölkələri olan və qarşısıalınmaz şəkildə yayılan terror nə xalq, nə millət, nə də din tanıyır. İran terrorun bütün təzahür formalarını qınamaqla bərabər, dünyanın istənilən nöqtəsində onunla mübarizə aparmağa, mübarizə aparan ölkələrə dəstək olmağa hazırdır”, - deyə Qasımi bildirib.

Xatırladaq ki, ötən gün Məkkədə, Məscidül-Həram yaxınlığında və Ciddədə terakt törətmək cəhdinin qarşısı təklükəsizlik qüvvələri tərəfindən alınıb.