Səudiyyə Ərəbistanı, Birləşmiş Ərəb Əmirlikləri (BƏƏ), Bəhreyn və Misir ümumi terrorçular siyahısını genişləndiriblər. Siyahıya Qətərin dəstək göstərdiyi daha doqquz adamın adları əlavə olunub.

Axar.az xəbər verir ki, adları siyahıya daxil edilənlər Qətər, Küveyt, Liviya və Yəmən vətəndaşlarıdır.

Xatırladaq ki, “ərəb dördlüyü” iyunun 5-də Qətəri terrorizmi dəstəkləməkdə ittiham edərək, bu ölkə ilə diplomatik əlaqələrini kəsib. Sonra terrorçuların ümumi siyahısı tərtib edilib və siyahının yeniləcəyi istisna olunmayıb.