Podqoritsa öz taleyini NATO dəyərlərinə bağlayıb.

Axar.az xəbər verir ki, bu sözləri Monteneqronun Baş naziri Duşko Markoviç ABŞ-ın vitse-prezidenti Mayk Penslə görüşü zamanı deyib.

“Biz öz taleyimizi NATO-nun qoruduğu və təbliğ etdiyi dəyərlərlə bağlamışıq. Hazırki vəziyyət göstərir ki, hansısa bir ölkənin əhalisinin sayından deyil, ideallara bağlılığından danışanda beynəlxalq ictimaiyyətdə böyük və kiçik (dövlət) yoxdur”, - Markoviç bildirib.

Mayk Pens öz növbəsində Monteneqronu NATO-ya üzv olması münasibəti ilə təbrik edərək, bütün tərəfdaşlarının ABŞ üçün eyni dərəcədə vacib olduğunu və Monteneqronun üzv kimi qəbul edilməsini yüksək qiymətləndirdiklərini bildirib.

Qeyd edək ki, Monteneqro iyun ayının 5-də rəsmi şəkildə NATO-nun 29-cu üzvü olaraq qəbul edilmişdi.