Ankara Sosial Araşdırmalar Mərkəzinin direktoru İbrahim Uslu Ərdoğanın AKP-dən namizəd olacağı təqdirdə ilk seçimdə qalib gələcəyini açıqlayıb.

Axar.az xəbər verir ki, CNN-ə müsahibə verən Uslu digər partiyalara nisbətən AKP-nin daha cox qələbə qazanma ehtimalı olduğunu bildirib: "Hazırkı dövrdə müxalifət lider tapmaqda çətinlik çəkir. Bizim araşdırmalarımıza görə, AKP birinci mərhələdə qalib gələ bilməsə belə, ikinci mərhələdə mütləq qalib gələcək".

Seçkilərin yay fəslinə təsadüf etməsinin müxalifətin ziyanına olacağını deyən Uslu qalib gəlməyin yeganə yolunun "vahid namizəd" olduğunu deyib: "Seçki avqust ayının ortasına təsadüf edir. Bu vaxtlarda insanların çoxu istirahətdə olacaq. Bizim apardığımız sorğulara görə, seçki nəticəsinin maksimum aşağı olacağı gözlənilir. Müxalifət seçkini qazanmaq istəyirsə, o zaman "vahid namizəd"ini seçməlidir".