Ukrayna ilə Avropa Birliyi arasında dostluq sazişinin qüvvəyə minməsi siyasi və iqtisadi əlaqələri dərinləşdirməyə kömək edir.

Axar.az xəbər verir ki, bu sözləri Avropa Komissiyasının rəhbəri Jan Klod Yunker söyləyib.

“Bu gün bütün çətinliklərə baxmayaraq, biz bunu etdik. Ukraynalılarla dostluq razılaşmasının qüvvəyə minməsi Avropa Birliyinin Ukraynalı dostlarımıza verdiyi sözü yerinə yetirməsidir. Bu, bütün Avropa üçün bayram deməkdir. Maydanda mübarizə aparan və Ukraynada islahatlar aparılmasını istəyən hər kəsə təşəkkür edirəm”, - Yunker bildirib.

Qeyd edək ki, Ukrayna ilə Avropa Birliyi arasında dostluq sazişi bu gündən rəsmi şəkildə qüvvəyə minib.