Üç gündür ki, mən Qazaxıstan-Qırğızıstan sərhədində özbaşınalığı müşahidə edirəm. Burada Avrasiya İttifaqının bütün normaları və razılaşmaları pozulur.

Axar.az xəbər verir ki, bunu güc strukturlarının nümayəndələrinin qarşısında çıxışı zamanı Qırğızıstan Prezidenti Almazbek Atambayev söyləyib.

“Üç min illik tarixi olan xalq üç günlük blokadadan heç vaxt qorxmaz. Bizim xalq üçün şərəf həyatdan üstündür. Biz çox şey görmüşük. 2010-cu ildə bizə qarşı ay yarımlıq blokada tətbiq edildi. Biz insanların əziyyətlərini görmüşük. Bunun da öhdəsindən gələcəyik və öz müstəqilliyimizi müdafiə edəcəyik. Əgər sən qonşunun evini yandırmaq istəyirsənsə, unutma ki, külək sənin evinə də od salacaq. Qazaxıstanda dəhşətli aclıq olanda yüz minlərlə qazax bizim xalqın sayəsində həyatda qaldı. Heç vaxt xanlar, sultanlar, prezidentlər iki qardaş xalqı bir-birindən uzaq sala bilməyəcəklər. Qırğızlar heç vaxt diz üstə çökməyəcəklər”.

Qeyd edək ki, Qazaxıstan-Qırğızıstan münasibətləri Qırğızıstan Prezidenti Almazbek Atambayevin qazax lider Nursultan Nazarbayevi ölkənin daxili işlərinə qarışmaqda günahlandırmasından sonra başlayıb.