Ana səhifə Planet |
Böyük Britaniyanın Susseks əyalətinin Luis şəhərinin sakinləri ABŞ Prezidenti Donald Tramp və Şimali Koreya lideri Kim Çen İnin manekenlərini yandırıblar.
Axar.az xəbər verir ki, ABŞ və Şimali Koreya liderləri çılpaq şəkildə təsvir olunub.
Liderlərin manekenlərinə nüvə simvolu yapışdırılıb.
Sakinlər həmçinin Böyük Britaniyanın Baş naziri Tereza Meyin və qalmaqallı rejissor Harvi Vaynşteynin maketlərini də nümayiş etdiriblər. Böyük Britaniyanın Baş naziri Tereza Mey gecə köynəyində əlində silah və yunan tanrısı Poseydonun nizəsini tutmuş şəkildə göstərilib.
Məşhur siyasətçilərin maketlərini yandırmaq üçün küçələrə minlərlə insan toplaşıb.
Xatırladaq ki, hər ilin 5 noyabr gecəsi Britaniya və onun əyalətlərində "Barıt sui-qəsdi"nin uğursuzluğa düçar olması münasibətilə "Qay Foks Gecəsi" adlı şənliklərlə yadda qalır. Şənlik zamanı havaya fişənglər atılır, barıtla dolu qablar alışdırılaraq, küçəboyu yuvarlandırılır, vətən xaininin cəzalandırılmasını qutlamaq üçün Qay Foks maskası taxılmış kuklalar yandırılır.
Tarix
2017.11.05 / 23:20
|
Müəllif
Orxan Tağıyev
|