Gürcüstanın eks-prezidenti, Odessa vilayətinin keçmiş qubernatoru Mixail Saakaşvilinin tərəfdarları Ukraynanın paytaxtı Kiyevdə Ali Radanın önünə toplanıb.

Axar.az xəbər verir ki, nümayişçilər dövlət başçısı Pyotr Poroşenkonun vəzifədən kənarlaşdırılmasını və korrupsiya ilə mübarizəni nəzərdə tutan qətnamənin qəbul edilməsini tələb ediblər.

Aksiya təşkilatçıları nümayişdə mindən çox vətəndaşın iştirak etdiyini bildirsə də, şəhər polisi bu rəqəmin 400-dən artıq olmadığını bildirib.

Saakaşvili aksiyanın keçirildiyi əraziyə həyat yoldaşı və oğlu ilə birlikdə gəlib.

Keçmiş qubernator bildirib ki, Ali Radanın önündə qurulan düşərgə genişləndiriləcək və “məşq düşərgəsi” adlandırılacaq.