ABŞ Prezidenti Donald Tramp prezident seçkisindən bu yana 1628 yalan bəyanat yayıb.

Axar.az xəbər verir ki, bu barədə informasiyanı "Vaşinqton Post" qəzeti paylaşıb.

"Noyabrın 14-nə kimi Tramp vəzifə başında 289 gün keçirib. Bununla da o, gündə orta hesabla 5,5 səhv bəyanat verib. Tendensiya davam edərsə, 2017-ci ilin sonuna qədər Tramp təxminən 2 min, prezidentlik dövrünün sonuna (4 il) qədər isə 8 min saxta bəyanat edəcək", - deyə qeyd edilib.

Qəzetin hesablamalarına əsasən, ABŞ prezidenti əksər hallarda ABŞ-da işsizliyin səviyyəsi, vergilər, ABŞ fond bazarları və “Obamakeyə” sağlamlıq proqramı barədə danışarkən səhv məlumatlar verir.