İlk uçuşunu 2023-cü ildə həyata keçirəcək Türkiyənin milli döyüş təyyarəsi TFX-in texniki xüsusiyyətləri dəqiqləşməyə başlayıb.

Axar.az xəbər verir ki, bu barədə “Yeni Şəfəq” informasiya yayıb.

Məlumata görə, uçuş məsafəsi 1100 kilometr olan TFX səs sürətindən 2 dəfə sürətli olacaq. TFX-in tamamilə hazır olmasından sonra Türkiyənin ABŞ, Rusiya və Çindən sonra dünyada beşinci nəsil döyüş təyyarələri hazırlamaq üçün infrastruktura sahib ölkələr sırasına daxil olacağı bildirilib.

Qeyd edək ki, döyüş təyyarəsinin Türk Silahlı Qüvvələrində 2070-ci ilə qədər xidmət edəcək xüsusiyyətlərə sahib olması və F-16 təyyarələrini əvəz etməsi gözlənilir.