Rusiya Suriyanın İdlib şəhərinin rus hərbi təyyarələri tərəfindən bombardman edilməsinə münasibət bildirib.

Axar.az xəbər verir ki, Rusiya Müdafiə Nazirliyi mətbuatda yer alan məlumatları təkzib edib.

"Rusiya Müdafiə Nazirliyi olaraq, Rusiya Hərbi-Hava Qüvvələrinin İdlibdəki Maar Şurin yaşayış məntəqəsi yaxınlığında hava hücumu keçirdiyinə dair iddiaları təkzib edirik. Rusiya təyyarələri regionda heç bir əməliyyat reallaşdırmadı," - MN-nin məlumatında qeyd edilir.

Qeyd edək ki, daha öncə Qərb mediasında Suriya İnsan Haqları Rəsədxanasında rejim qüvvələri ilə Rusiyanın hərbi əməliyyat keçirdiyinə dair iddialar yer almışdı.