Dünən Ukrayna-Rusiya sərhəddində vurulan Malayziyaya məxsus sərnişin təyyarəsini Rusiya istehsalı olan "Buk M2"lərin vurduğu iddia edilir.

Axar.az xəbər verir ki, bu raket sistemi Sovetlər Birliyi dövründə istehsal olunub, daha sonra Rusiya tərəfindən inkişaf etdirilib.

Bu raket sistemi orta mənzillidir, dəniz üzərindən gələ biləcək mərmilər, ağıllı bombalar, təyyarələr və pilotsuz hava vasitələriylə mübarizə aparmaq üçün hazırlanmış bir qurğudur.

İlk dəfə olaraq 1980-ci ildə istifadəyə verilən bu raket sistemi o gündən sonra davamlı olaraq inkişaf etdirilib. Buk raket sisteminin M1-2 və M2 kimi fərqli versiyaları var. M3 versiyasının isə hazırlanması istiqamətində işlər aparıldığı bildirilir. Mərmi sistemi NATO və Qərb ölkələri tərəfindən "atsineği" olaraq təqdim edilir.

Ukrayna təyyarəsini vurduğu iddia edilən "Buk M2" mərmisi isə təxminən 700 kiloqram ağırlığındadır və maksimum 42 kilometr məsafədə olan hədəfi vurma gücünə malikdir. Mərmilər 25 min metr yüksəklikdə uçma qabiliyyətinə malikdir. "Buk" mərmiləri həm Rusiya, həm də Ukrayna ordusunun əlində var.