Ukraynanın şərqindəki Luqansk şəhərində Ukrayna ordusu ilə separatçılar arasındakı qarşıdurmalarda son 24 saatda 44 adamın həyatını itirdiyi bildirilib.

Axar.az xəbər veriri ki, Luqansk Şəhər Məclisi Mətbuat xidmətinin verdiyi məlumata görə, ordu ilə Rusiya tərəfdarı olan separatçılar arasında gedən döyüşlərdə 215 nəfər isə ağır yaralanıb.

Qeyd edək ki, dünəndən bəri şəhərdə 46 mənzil və 195 tikili tamamilə dağıdılıb. Bundan başqa 12 körpələr evi, 3 məktəb, 5 fabrik, 18 dükan və 3 ticarət mərkəzinin ziyan gördüyü bildirilir. Ümumilikdə isə iş yerlərinin 60 faizi fəaliyyətini tamamilə dayandırıb.

Onu da bildirək ki, ordu hissələrinin Kiyevə verdiyi məlumatda yaralıların müalicəsi üçün həkimlərin, tibb bacılarının çatışmadığı bildirilib.