Ukrayna Ali Radasında Donbasın reinteqrasiyası ilə bağlı qəbul edilən qanun onu göstərir ki, rəsmi Kiyev Minsk anlaşmasının öhdəliklərini yerinə yetirmək istəmir. Bu da ondan xəbər verir ki, Ukrayna hakimiyyəti Luqansk və Donetski güc yolu ilə geri qaytarmaq istəyir.

Axar.az xəbər verir ki, bu sözləri Rusiya Federasiya Şurasının rəhbəri Valentina Matviyenko deyib.

“Bu qanun göstərir ki, Kiyev sözügedən əraziləri yenidən əldə etmək üçün hərbi həmləyə baş vurmaq istəyir. Bu, dərin yanlışlıqdır. Bununla nəyəsə varmaq olmaz”, - Matviyenko bildirib.

Qeyd edək ki, bir müddət əvvəl qəbul edilən qanun layihəsində Donbas işğal edilmiş ərazi olaraq göstərilib.

Eyni zamanda Rusiyanın təcavüzkar ölkə olduğu vurğulanıb.