ABŞ kürd müttəfiqləri vasitəsilə Türkiyə-Suriya sərhədinə nəzarəti ələ keçirmək istəyir.

Axar.az xəbər verir ki, bunu jurnalistlərə açıqlamasında Rusiya Xarici İşlər naziri Sergey Lavrov söyləyib.

“Biz çoxdan ABŞ-ın Suriyanın əhəmiyyətli hissəsində alternativ hakimiyyət orqanları yaratması kursunu götürdüyünə diqqət edirik. Bu xəttin inkişafı Suriyanın daxili işlərinə kobud müdaxilədir. Bir neçə gündə Suriyanın Türkiyə və İraqla sərhədi boyunca təhlükəsizlik qüvvələrinin yarandığı elan edildi. Sonradan bu inkar edildi, amma faktlara əsasən, Suriyanın Türkiyə və İraqla sərhədinin nəzarətə alınması prosesi davam etdirildi”, – deyə o bildirib.

Onun sözlərinə görə, ABŞ kürdləri Dəməşqlə dialoq aparmamağa inandırmağa çalışır və onlar arasında separat əhval-ruhiyyəni yayır.

O, həmçinin, Suriya probleminin həllində kürdlərin rolunun təmin olunması gərəkdiyini bildirib.