Son bir il ərzində PYD-YPG terror qruplaşması Türkiyəni hədəf alan 700-dən çox hücum təşkil edib.

Axar.az xəbər verir ki, bu barədə Türkiyə Prezident Administrasiyasının sözçüsü İbrahim Qalın danışıb.

“Hatayı, Kilisi vurdular. Bir çox itki verdik. Onlara dəfələrlə xəbərdarlıq etdik. Ölkə başçısı məsələni ABŞ, İran, Rusiya və Avropa liderləri ilə görüşləri zamanı dilə gətirdi. Biz bu terror şəbəkəsinin sərhədlərimizdə fəaliyyət göstərməsinə icazə verməyəcəyik. Afrin xalqı da bu insanların bölgədən uzaqlaşdırılmasını istəyir”, - Qalın deyib.

Qeyd edək ki, Türkiyə Afrin istiqamətində başladılan “Zeytun budağı” əməliyyatı ilə sərhədləri boyu yaradılmış terror koridorunu yarmaq istəyir.