Rusiya Federasiyasının prezidenti Vladimir Putin Rusiyanın böyüklüyünü bərpa etməyə çalışır.

Publika.az xəbər verir ki, bunu ABŞ Mərkəzi Kəşfiyyat İdarəsinin (MKİ) başçısı Mayk Pompeo Vaşinqtonda çıxışında bildirib.

“Vladimir Putinin niyyətləri ilə bağlı qiymətləndirməmiz dəyişmədi. O, hesab etməyə davam edir ki, Sovet İttifaqının dağılması XX əsrin ən böyük faciəsi idi. O, SSRİ-ni keçmiş böyüklüyünə və şöhrətinə qaytarmaq niyyətindədir. Putin hər gün bu fikirlərlə oyanır, yenidən seçilmə onun ikinci fikridir”, - Pompeo deyib.

O, Putinin bu fikirlərinin MKİ-yə necə məlum olduğunu dəqiqləşdirməyib.

Amerikanın kəşfiyyat şefi bildirib ki, Rusiyanın hərəkətlərinə qarşılıq vermək lazımdır.

“İndiki administrasiya dərin anlayır ki, biz ruslara qarşılıq verməliyik”, - o qeyd edib.