Kiyev meri Vitali Kliçko qarşıdan gələn qış mövsümünə hazırlıqla bağlı həyacanlı fikirlər səsləndirib.

Axar.az-ın İTAR TASS agentliyinə istinadən xəbərinə görə, o, qızdırıcı sistemlə bağlı vəziyyətin tək paytaxt Kiyev şəhəri deyil, bütöv Ukrayna üzrə acınacaqlı vəziyyətdə olduğunu dilə gətirib. Kiyev şəhərinin Darniçki rayonunun Mənzil Kommunal İstismarı İdarəsindəki çıxışında Klıçko etiraf edib ki, kiyevlilər vəziyyətin acınacaqlı olduğunu və mavi yanacaqın təminatı ilə bağlı Rusiya ilə problemlərin yaşandığını olduğu kimi anlamalıdırlar. Şəhər meri həmçinin müvafiq dövlət qurumlarına qış aylarında təbii qazdan istifadənin 30 faizə qədər aşağı endirilməsini nəzərdə tutan layihəni təqdim etməyə hazırlaşdıqlarını da dilə gətirib.