İsrail kəşfiyyatı ötən il Avstraliyaya məxsus sərnişin təyyarəsində İŞİD tərəfindən planlaşdırılan partlayışın qarşısını alıb.

Axar.az xəbər verir ki, bu barədə Avstraliya hərbi dairələri məlumat yayıb.

Bildirilib ki, “Diviziya-8200” adlı radioelektron hərbi kəşfiyyat xidmətinin əməkdaşları partlayışın qarşısını alıb.

“Kəşfiyyat şərq ölkələrindən birinə məxsus təyyarədə İŞİD tərəfindən terror aktının planlaşdırılması ilə bağlı məlumat əldə edib”, - deyə bildirilib.

Həmçinin qeyd edilib ki, İsrail tərəfi həmin məlumatı dərhal avstraliyalı həmkarlarına ötürüb və terrorçu yaxalanıb.

Xatırladaq ki, ötən il ilin iyulunda Avstraliya hökuməti silsilə terror aktları planlaşdıran bir neçə terrorçunun yaxalanması barədə məlumat yaymışdı.