ABŞ Prezidenti Donald Tramp video-oyun sənayesi rəhbərləri, konqresmenlər və video-oyunlardakı zorakılıq probleminin müzakirəsi ilə bağlı valideyn təşkilatının nümayəndələri ilə görüşüb.

Axar.az xəbər verir ki, görüş zamanı oyunlardakı qəddarlıq və zorakılıq kadrları nümayiş olunub. Bu oyunlar içərisində Moskva aeroportunda sərnişinlərin güllələnməsini əks etdirən “Call of Duty: Modern Warfare 2” oyunu da olub.

“Verge”nin məlumatına görə, toplantıda prezident video-oyunlar üçün yaş həddi qoymağı və digər tədbirlər görməyi təklif edib. Şirkət rəhbərləri isə oyunlardakı zorakılığın real həyata təsir etmədiyi ilə bağlı alimlərin araşdırmasını təqdim ediblər.

Qeyd edək ki, Tramp Parklənddə baş verən və 17 nəfərin ölümünə səbəb olan atışmanın səbəbləri sırasında gənclərə zorakılıq təlqin edən video-oyunların mümkün təsirindən də danışmışdı.