Nikola Sarkozinin seçki kampaniyasının 2007-ci ildə Liviya hakimiyyəti tərəfindən maliyyələşdirilməsi məsələsini araşdırmaqla kifayətlənmək olmaz.

Axar.az xəbər verir ki, bu sözləri "Radio Classique"yə müsahibəsində Fransa Milli Cəbhə Partiyasının lideri Marin Le Pen deyib. Onun sözlərinə görə, hakimlər eks-prezidentin Liviyada yaranmış böhrana aidiyyəti olub-olmadığını da müəyyənləşdirməlidirlər:

"Sona qədər gedilməlidir. Bu, təkcə seçki kampaniyasının maliyyələşdirilməsindən ibarət deyil. Sarkoziyə qarşı cinayət işinə müharibənin başladılması, dövlət başçısının (Müəmmər Qəzzafi) məhvi də aid edilməlidir".