00:10

Çinin nəzarətdən çıxan Tianqonq-1 kosmik stansiyası bu gün Yerə çırpılacaq.

Axar.az xəbər verir ki, kosmik stansiyanın düşəcəyi ölkələr arasında Türkiyə, İspaniya, İtaliya, Dağıstan və Koreya yarımadası da var.

Avropa Kosmik Agentliyi isə həmin cismin Pekin vaxtı ilə 07:25-də yerə düşəcəyini vurğulayıb.

2013-cü ildə xidməti müddətini tamamlayan kosmik stansiyanın 2016-cı ildə nəzarətdən çıxdığı BMT-yə deyilmişdi.

10 metr uzunluğu və 8 ton ağırlığı olan peykin digər süni peyklərdən bir az böyük olduğu bildirilir. Alimlərin fikrincə, Tianqonq-1-in əhalisi çox olan şəhərlərə düşmə ehtimalı yoxdur.

Qərb alimləri Yerin atmosferinə daxil olduqdan sonra peykin 60-80 faizinin yanacağını, Yerə ancaq 20-40 faiz civarında, 1,5-3,5 tonluq bir çəkidə gəlib çatacağını bildiriblər. Peykin parçalanacağı və daha kiçik hissələrə bölünəcəyi istisna edilmir.

***

Tianqonq-1 Sakit okeanın cənub hissəsində havada ikən yanıb.

Bu barədə Çin Kosmik Agentliyindən məlumat verilib.

Süni peyk Çin vaxtı ilə 08:15-də (Bakı vaxtı ilə 04:15) atmosferə daxil olub və əhəmiyyətli hissəsi yanıb.