ABŞ-ın Demokratlar Partiyası 2016-cı il prezident seçkilərindəki məğlubiyyətinə haqq qazandırmağa çalışır.

Axar.az xəbər verir ki, bu sözləri Rusiya Xarici İşlər Nazirliyinin sözçüsü Mariya Zaxarova deyib.

“Mətbuatda ABŞ Demokratlar Partiyasının Milli Komitəsinin (DNC) 2016-cı ildə keçirilən prezident seçkilərinin nəticələri ilə bağlı Rusiya və rus vətəndaşlarının da aralarında olduğu ölkə, təşkilat və şəxslərə iddia qaldırdığı ilə bağlı xəbərlərlə qarşılaşdıq. Bununla bağlı Rusiya XİN-ə hər hansı bir rəsmi bəyanat göndərilməyib, bu səbəbdən nələr edəcəyimiz barədə danışmaq üçün hələ tezdir. Ancaq bu məlumatlar həqiqəti əks etdirirsə, bu, Demokratların öz məğlubiyyətlərinə haqq qazandırmaq üçün apardıqları bir cəhd kimi görünür” .

Qeyd edək ki, dünən "Vaşinqton Post" qəzetində ABŞ Demokratlar Partiyasının Milli Komitəsinin Rusiyanın hakimiyyət orqanları, hazırkı prezident Donald Tramp kampaniyasının qərargahı və “Vikiliks” saytına qarşı iddia qaldırması ilə bağlı xəbər yayılmışdı.