İngiltərənin Baş naziri Devid Kemeron İŞİD böhranının yaşandığı bir vaxtda istirahətdə görüntülənib.

Axar.az xəbər verir ki, bu hadisə İngiltərə mətbuatında Baş nazirin sərt tənqid olunmasına gətirib çıxarıb.

İŞİD terrorçularının ABŞ və Avropanı təhdid etdiyi bir vaxtda ölkənin Parlament üzvlərinin Portuqaliya tətilini yarımçıq qoyub Londona qayıtmasına və Parlamentin fövqəladə yığıncaq çağırılması təklifinə məhəl qoymayan Baş nazir istirahətini davam etdirməkdədir.

Nüfuzlu "Daily Mirror" qəzeti bu barədə maraqlı yazı dərc edib. "İŞİD? Nə Böhranı?" başlıqlı yazıda Baş nazir sərt şəkildə tənqid olunaraq onun baş verən hadisələri ciddi qəbul etmədiyi bildirilib.