Braziliyanın cənubundakı Kaskavel şəhərində yerləşən həbsxanada qiyam baş verib.

Axar.az xəbər verir ki, dörd məhkumun öldürüldüyü qiyamda iki nəfərin başı kəsilib.

BBC-nin Rio de Janeyro müxbirinin verdiyi məlumata görə, 700 məhkumun iştirak etdiyi qiyam ölkədə şok effekti yaradıb. Məlumatda o da deyilir ki, məhkumlar iki gözətçini girov götürüb. Hökumət qüvvələrini qorxutmaq məqsədi ilə girovlardan birinin başı kəsilib.

Braziliya mətbuatının verdiyi məlumata görə, qiyamın yaranmasına səbəb narkotacirlər arasındakı düşmənçilikdir.

Xatırladaq ki, Braziliya ABŞ, Çin və Rusiyadan sonra dünyada ən çox məhbusun olduğu dördüncü ölkədir. Burada 500 minə qədər məhkumun olduğu deyilir.