ABŞ-ın kəşfiyyat qurumları üçün inkişaf etdirilən "ICREACH" adlı kəşfiyyat bazasında minlərlə insana aid məlumatın toplandığı iddia edilib.

Axar.az xəbər verir ki, ABŞ-da müxtəlif kəşfiyyat qurumluranın ələ keçirdiyi məlumatların bütövlükdə toplandığı "ICREACH" adlı kəşfiyyat bazası ABŞ-ın gizli "Quql"u (Google) adlandırılır.

Amerika Milli Təhlükəsizlik Dairəsinə aid gizli sənədləri sızdırdıqdan sonra Rusiyaya sığınan Edvard Snouden bu bazada ABŞ və xarici ölkə vətəndaşlarına aid məlumatların yığıldığını bildirib.

"ICREACH"də əsasən insanların dini inancları və siyasi fikirlərini xarakterizə edən məlumatlar toplanır ki, bu da gələcəkdə onların istiqamətinin təxmin edilməsi üçündür.