Rusiya XİN öz saytında Finlandiyada məxfi Rusiya-Amerika danışıqları haqqındakı xəbəri təkzib edib.

Axar.az rus mediasina istinadən bildirir ki, Rusiya XİN-də Finlandiya XİN-in nümayəndəsinin 2014-cü ilin iyununda Finlandiyada keçirilən məxfi Rusiya-Amerika danışıqları barədəki fikirləri müzakirə edilib və görüş təkzib edilib:

"Finlandiyanın Boysto adasında Rusiya və ABŞ arasında Ukrayna mövzusuna dair hansısa məxfi danışıqlar haqqındakı məlumat barədə qeyd etmək istərdik ki, iyunun sonlarında orada həqiqətən də ekspert görüşü keçirilib. Ancaq söhbət iki dövlətin rəsmi nümayəndələri arasındakı məsləhətləşmələrdən deyil, Rusiya və Amerikanın qeyri-hökumət strukturları və akademik cəmiyyətin nümayəndələrinin çoxsaylı əlaqələrinin birindən gedir".

Xatırladaq ki, bu səhər rus mediasında Finlandiya Xarici İşlər Nazirliyinin nümayəndəsi Vesa Hakkinen ABŞ və Rusiya prezidentlərinin 2014-cü ilin iyununda Finlandiyada Ukraynaya dair gizli danışıqlar apardıqları haqqında məlumat dərc edilmişdi.