ABŞ strateji baxımdan Koreya yarımadasında gərginliyin azaldılmasında maraqlı deyil.

Axar.az xəbər verir ki, bunu jurnalistlərə açıqlamasında Rusiya Federasiya Şurasının Beynəlxalq Münasibətlər Komitəsinin sədr müavini Andrey Klimov deyib.

“Əgər Şimali Koreya ilə münasibətlərdə Seul və Tokio Vaşinqtona yatırım etsələr, onlar irəliyə doğru addım ata bilməyəcəklər. Ona görə ki, Vaşinqton qlobal və strateji mənada Pxenyanla münasibətlərin yaxşılaşdırılmasında maraqlı deyil. Koreya yarımadasında gərginliyin azaldılması, Amerika hərbi bazalarının bu ərazilərdə yerləşdirilməsi motivasiyasını azaldır və nəticədə bu bazalar vasitəsilə Rusiya və Çinə nəzarət imkanları itirilir”, - Klimov bildirib.