"Türkiyə müxalifəti çox da sevinməsin ki, Ərdoğan Çankayaya getdi".

Axar.az xəbər verir ki, bu sözləri politoloq Elxan Şahinoğlu Türkiyədə yeni prezidentlik dönəmini şərh edərkən deyib. Onun sözlərinə görə, yeni Baş nazir Əhməd Davudoğlunun bugünkü çıxışı vəziyyətin müxalifətin xeyrinə dəşiyməyəcəyini göstərdi:

"Əhməd Davudoğlunun AKP Konqresindəki çıxışını dinlədim. Eyni üslüb, eyni mövzu (paralel yapı), bənzər xarizma... Ona görə də Türkiyə müxalifəti çox da sevinməsin ki, Ərdoğan Çankayaya getdi, problem bitdi, parlament seçkilərində Davudoğlunun başını yeyəcəklər. Çətin. Davudoğlu bugünkü çıxışıyla az aşın duzu olmadığını göstərdi. Müxalifətin işi bir az daha ağırlaşdı: Əvvəl ancaq Ərdoğan var idi, indi rəqib Ərdoğan + Davudoğlu cütlüyündən ibarətdir..."