Soyuq müharibə dövründə Sovetlər Birliyi üçün cəsusluq edən sabiq ABŞ-lı dəniz hərbçisi həbsxanada ölüb.

Axar.az xəbər verir ki, bu barədə həbsxana müdiri Kris Burk sabiq dəniz zabiti Con Valkerin 77 yaşında həbsxana xəstəxanasında həyatını itirdiyini vurğulayıb.

Hərbi gəmidə vəzifə yerinə yetirən Valker 1976-ci ildə təqaüdə çıxdıqdan sonra donanmaya məxsus kodları, gəmilərin mövqelərini və digər yüksək səviyyəli çox gizli məlumatları ruslara satdığı üçün 1985-ci ildə ömürlük həbsə məhkum edilmişdi.

Valkerin oğlu, qardaşı və bir yoldaşı da Sovetlər Birliyinə məlumat ötürdüyü üçün cəzaya məruz qalmışdılar.