Kiyev Ukraynanın cənub-şərqindəki hərbi əməliyyatların formatını dəyişməyə qərar verib.

Axar.az "İnterfaks"a istinadən bildirir ki, bu barədə Milli təhlükəsizlik və müdafiə şurasınn informasiya-analitik mərkəzinin spikeri Andrey Lısenko xəbər verib.

"Biz necə bir situasiyanın yarandığını anlayırıq və anti-terror əməliyyatların sonrakı gedişinə dair qərarlar qəbul edilir. Bəziləri deyirlər ki, bu format doğru deyil, çünki onlar terrorçu deyillər. Ancaq biz qərarımızı dəyişməmişik".

Qeyd edək ki, Kiyev terrorçular deyəndə qondarma Donetsk Xalq Respublikası tərəfdarlarını nəzərdə tutur.

Lısenko qeyd edib ki, yaxın günlərdə daha geniş, o cümlədən kadr məsələlərində qərarlar qəbul ediləcək. Onun sözlərinə görə, çoxlu sayda könüllü döyüşlərə qoşulmağa hazırdırlar.

Xatırladaq ki, Ukrayna prezidenti Poroşenkonun parlament fraksiyası və qruplarının liderləri ilə görüşündə qərara alınmışdı ki, hazırkı şəraitdə ölkədə hərbi vəziyyət tətbiq etmək məqsədəuyğun deyil.