Kiyevin "İnformasiya müqaviməti" qrupunun koordinatoru Dmitri Tımçuk məlumat verib ki, Donbasdakı hərbi əməliyyatlar zonasında durum mürəkkəb olaraq qalır.

Axar.az Tımçukun Feysbuk səhifəsindəki məlumata istinadən bildirir ki, Ukrayna qoşunlarının geri çəkilməsi nəticəsində separatçılar Luqansk vilayətinin, demək olar ki, bütün cənub hissəsini nəzarətə alıblar, sonra isə öz bölmələrini Luqansk yaşayış məskənlərinə istiqamətləndirərək vilayətin şimal hissələrində də hücum əməliyyatlarına başlayıblar.

"Rəqib eyni zamanda Donetsk vilayətində Donetskdən Mariupola qədər bütün ərazini nəzarətə götürməyə can atır", - deyə Tımçuk əlavə edib.

"İnformasiya müqaviməti" qrupunun rəhbəri həmçinin bildirib ki, Debalsevo, Stukalova Balka, Starobeşevo və Amvrosiyevka yaşayış məskənlərində fəal silahlı toqquşmaalar qeydə alınıb: "Ötən gecə Ukrayna qoşunlarının mövqeləri 20 dəfədən çox atəşə tutulub".