"RF prezidenti Vladimir Putinin Ukraynanın cənub-şərqindəki vəziyyətin nizamlanmasına dair planı Qərbin Moskva əleyhinə yönəlmiş sanksiyalar axınının qaşısını ala bilər".

Axar.az xəbər verir ki, bu haqda "Nyu York Tayms" qəzeti yazıb. Xəbərdə bildirilir ki, Putinin təyyarədə uçuş zamanı qısa şəkildə izhar etdiyi sülh planı diplomatik dairələrdə qarışıqlıq yaradıb və Qərbin əlinə Avropa dövlətlərinin iqtisadiyyatına zərər vuracaq cəza sanksiyalarını dayandırmaq üçün bəhanə verib.

Bundan başqa, məqalə müəllifinin fikrincə, Rusiya liderinin Ukraynadakı vəziyyətin stabilləşməsinə dair planı "müharubədən usanmış yerli əhalinin də dəstəyini qazana bilər".

Xatırladaq ki, dünən Putin Ukrayna böhranın nizamlanmasına dair yeddi bənddən ibarət planını açıqlayıb. Prezident hər iki tərəfi Donetsk və Luqanskda hərbi əməliyyatları dayandırmağa, əsirləri "hamını hamı ilə" prinsipinə uyğun dəyişdirməyə, yaşayış məskənlərinin atəşə tutlmasının qarşşısını almağa, Donbasda humanitar dəhliz açmağa və orada infrastrukturu bərpa etmək üçün təmir briqadaları göndərməyə, eləcə də atəşkəs rejiminə nəzarət etmək üçün beynəlxalq monitorinq təşkil etməyə çağırıb.