Ali Məhkəməsinin qərarından sonra ABŞ Milli Təhlükəsizlik Agentliyi özünün “Xəzinə xəritəsi” proqramını məhv edir.

Axar.az xəbər verir ki, bunu jurnalistlərə açıqlamasında agentliyin keçmiş yüksək vəzifəli işçisi Uilyam Binni deyib. Onun sözlərinə görə, ləğv edilən proqram istənilən telefonun yerləşdiyi yeri rahatlıqla müəyyən etmək imkanına sahib olub:

“Bu, tarixi qərardır. Ali Məhkəmə sonunda anladı ki, texnologiya izləmə işində nə qədər inkişaf edib”.

Qeyd edək ki, Ali Məhkəmə bundan öncə telefon sahiblərinin yerlərinin məhkəmənin izni olmadan müəyyən edilməsini qadağan edib. Ali Məhkəmənin 9 hakimindən 5-i bu qərarı dəstəkləyib.

Binni Milli Təhlükəsizlik Agentliyinin texniki məsələlər üzrə rəhbərlərindən biri olub. O, 2001-ci ildə agentliyi tərk edib və bundan sonra dəfələrlə bu qurumun Konstitusiyanı pozduğunu iddia edib.