"NATO yeni bir ölkəni üzvlüyə qəbul etməyə hazırlaşmır".

Bu sözləri Axar.az-a açıqlamasında politoloq Fərhad Mehdiyev Ukraynanın NATO-ya üzvlük məsələsinə münasibət bildirərkən deyib.

Onun sözlərinə görə, hazırda NATO-nun gündəmində əsas məsələ hərbi əlaqələrin genişləndirilməsindən ibarətdir:

"Ukraynanın NATO-ya qoşulması hazırkı dönəmdə real görünmür. Eyni zamanda təşkilatın gündəmində yeni bir üzvlüklə bağlı məsələ yer almır. NATO əsasən Polşa, Baltikyanı ölkələr və Ruminyada təhlükəsizliklə bağlı hərbi bazasını gücləndirəcək. O ki qaldı Ukraynanın NATO-ya qoşulmasına - NATO hazırkı dönəmdə buna hazırlaşmır. Ancaq təşkilat Kiyevə yardım məqsədilə 20 milyon dollar vəsait ayırıb".