Rusiya Prezidenti Vladimir Putin və Fransa Prezidenti Emmanuel Makron arasında telefon danışığı baş tutub.

Axar.az xəbər verir ki, bu barədə məlumatı Kreml yayıb.

Məlumata görə, telefon danışığı zamanı bəzi regional və beynəlxalq məsələlər müzakirə olunub. Həmçinin Suriyaya humanitar yardım layihəsinin həyata keçirilməsi istiqamətində fikir mübadiləsi aparılıb.

Qeyd edək ki, bu gün Rusiya Müdafiə Nazirliyi də Fransa tərəfindən Suriyaya 44 ton humanitar yardım edilməsi barədə məlumat yayıb. Yardımın Fransa və Rusiya liderləri tərəfindən Suriyaya humanitar yardım edilməsi ilə bağlı 24 mayda qəbul edilən ortaq layihə çərçivəsində həyata keçirildiyi bildirilib.